نصائح مهمة لشراء كاميرا مستعملة

عايز تشتغل مصور فوتوغرافى ولسه مبتدأ ونفسك تشترى كاميرا و بميزانية بسيطة .
يبقى يفضل انك تبدأ بكاميرا مستعملة و فى نفس الوقت هتوفر مبلغ كبير

1- حدد هدفك من شراء الكاميرا :


بمعنى ( انت عايز تشترى كاميرا ليه ؟) ، هل عشان التصوير الفوتوجرافى أم عشان تصوير الفيديو !
ف لو عايز تشترى كاميرا عشان الفيديو ينصح بالكانون ، لأن الكانون أفضل من النيكون فى الفيديو و العكس النيكون أفضل فى تصوير الصور.

خلاص حددت هدفك ! ، ننتقل للنقطة التانية


2- ما تستعجلش (فى العجلة الندامة ! ) :


قبل ما تشترى الكاميرا شوف جودة الصور الخاصة بالكاميرا قبل ما تشتريها , وفى قناة أبو ميلاد  لمراجعة الكاميرات و العدسات ، وأيضاً موقع اسمه pixelpeeper وبيقدم مراجعة لصور بكاميرات معينة وعدسات معينة عشان تتعرف على جودة الصور بالكاميرا .

بعد ما قررت على نوع الكاميرا اللى هتشتريها ،تأكد من الخطوات التالية بعناية

3- مظهر السينسور(المستشعر) :


وده أهم نقطة ، تأكد من السينسور الخاص بالكاميرا و انه خالى من أى عيوب ونظيف وليس به أى ضرر ما ، افتح اعدادات الكاميرا واختر تنظيف المستشعر واختر منها تنظيف يدوى ، سيتم فتح المستشعر (السينسور) وتقوم بالنظر بداخله وتأكد من مظهره و نظافته.


4- عدد الشاتر الخاص بالكاميرا :


عليك التأكد من عدد الشاتر الخاص بالكاميرا ( وهو عداد الصور الملتقطة بهذه الكاميرا ) فهناك كاميرات  تصل عمرها الافتراضى إلى 50 ألف صورة و أخرى من 100ألف صورة إلى 200ألف على حسب نوع الكاميرا ، فإن وجدت كاميرا بعدد شاتر 15 ألف او 20 ألف صورة ف هى جيدة لا تقلق .

ولمعرفة عدد الشاتر

 عن طريق تحميل برنامج خاص بالكانون اسمه Canon EOS أو نيكون اسمه shutter count
وتقوم بفتح البرنامج ثم تقوم بتوصيل الكاميرا بالجهاز الكمبيوتر ويقوم بحساب عدد الشاتر.


5- الوصلات والمداخل :


تأكد من عمل الوصلات و المداخل الخاصة بالكاميرا مثل مدخل المايك و وصلة الـ USP  والوصلات الآخرى.

6- الشاشة :


تأكد من مظهر الشاشة الخاصة بالكاميرا و أنها تعمل جيدا خصوصاً ان كانت تعمل باللمس ، وانها تتحرك معاك بدون أى مشاكل .

7- خذها يوم للتجربة :


اسأل المالك ان كان بإمكانك أخذها للتجربة ليوم ، لتجرب عمل الكاميرا وسلامة  أداءها  ، وده مفيد جداً لاختبار الكاميرا والتحقق من حالتها .

فى النهاية يفضل أخذ معك شخص بيفهم بالكاميرات و ده مهم جدا